En hier is ons vir Deel 2 van hierdie blog!

In die vorige blog het ons gesels oor ‘n paar besparingswenke rakende kos en kruideniersware. In hierdie blog sal ons ‘n bietjie fokus op besparing terwyl jy inkopies doen.

Die aankoop van nie-noodsaaklike items vorm steeds deel van ons begroting en as jy nie hierdie uitgawe ten volle kan weglaat nie, is hier ‘n paar wenke om die uitgawes te verminder terwyl jy inkopies doen:

Hou by ‘n 30-dae-reël wanneer jy inkopies doen

Dit is dieselfde konsep as “ek sal daaroor dink” wanneer jy aan ‘n item dink (of dit nou groot of klein is) wat nie as ‘n noodsaaklike aankoop beskou word nie. Dit sal ook die nippertjie-kopies wat ‘n mens gewoonlik impulsief doen, verminder!

Koop tweedehandse items

Om items te koop wat tweedehands is, kan jou geld spaar eerder as om iets splinternuut te koop. Maak net seker dat jy mooi bewus is van die betroubaarheid van die verskaffer wanneer jy aanlyn koop.

Koop wanneer jy NIE honger is NIE

Ek kan glo jy het nie so ‘n vreemde wenk verwag nie! Alles tel wanneer jy probeer om uitgawes te besnoei, en inkopies op ‘n vol maag beteken dat jy dit sal vermy om onnodige eetgoed of wegneemetes te koop.

Teken uit by promosie e-posse

Vermy die bykomende versoekings van afslagkopies en enige ander bemarkingsveldtog deur op onnodige promosie pos uit te teken.

Gebruik ‘n kleiner inkopiemandjie

Nog ‘n bedagsame wenk om jou te help spaar. Kleiner trollies met mandjies sal beteken dat daar minder spasie is om met items vol te maak. Jy kan net die noodsaaklikste kry en ry!

Vermy nuwerwetse mode-items

Om tred te hou met modeneigings kan duur wees en is beslis ‘n luukse uitgawe, veral wanneer jy by duurder klerewinkels inkopies doen. Probeer kreatief raak met jou huidige klerekas deur te leer om nuwe uitrustings te skep uit die items daarbinne. Dit sal ook help met kasspasie! Doen ook navorsing oor hoe om tydloos en klassieke items te koop en by jou styl in te haak.